“არა გენოციდს” – ანაკლიაში, ბათუმში ქუთაისსა და თბილისში უკრაინის მხარდამჭერი აქციები გაიმართა. აქციების მონაწილეებმა დაგმეს პუტინის აგრესია, და უკრაინელებს სოლიდარობა გამოუცხადეს.
აქციების მონაწილეებმა სიმბოლურად სანთლებითა და ყვავილებით პატივი მიაგეს დაღუპულ ადამიანებს. მათი თქმით, ის რაც უკრაინაში ხდება, არის გენოციდი და ამაზე მოძალადეებმა პასუხი უნდა აგონ.
თბილისში, საქართველოს პარლამენტთან უკრაინის სოლიდარობის აქცია-პერფორმანსი გაიმართა, მოქალაქეები პარლამენტის წინ ხელებგაკოჭილები გაწვნენ, ამით მათ გაიმეორეს, ბუჩადან გავრცელებულ ცნობილი ფოტოები, სადაც ჩანს, რომ ქალაქის ქუჩებში ცხედრები ხელებგაკოჭილები არიან.
ოთხივე აქციის მონაწილეები აპროტესტებენ, რომ საქართველოს ხელისუფლება არც სამართლებრივად და არც მორალურად არ დგას უკრაინელი ხალხის გვერდით.