უკრანაში რუსეთის შეარაღებული აგრესიის შედეგად 165 ბავშვი დაიღუპა და 266 დაშავდა. პროკურატურამ 5 აპრილის მონაცემები ცოტა ხნის წინ გამოაქვეყნა.
პროკურატურა აცხადებს, რომ მონაცემები არაა საბოლოო, რადგან ამ დრომდე აქტიური საბრძოლო მოქმედებები მიმდინარეობს.
დაბომბვის შედეგად დაზიანდა 869 სასწავლო დაწესებულება, მათგან 83 მთლიანად განადგურებულია.
უწყების ცნობით, 4 აპრილს რუსეთის დაბომბვას მიკოლაევში ბავშვი ემსხვერპლა. ასევე, კიევის ოლქის სოფელ ვორცელში, რუსმა სამხედროებმა სახლის სარდაფში, სადაც 14 წლის ბავშვი და ქალი იმყოფებოდნენ, კვამლის ყუმბარა ისროლეს, რის შემდეგაც ბავშვს და დედას ცეცხლი გაუხსნეს იმავე სახლში.