ქიმიური ნივთიერების შედეგად, უკრაინაში 7 ქართველი მებრძოლი მოიწამლა. შემთხვევა გოსტომელის ე.წ. სამხედრო გაწმენდისას მოხდა.
ქართველი სამხედროები ყვებიან, რომ ბუჩას რაიონში მდგომარეობა ძალიან მძიმეა, თუმცა მიუხედავად ამ მძიმე ფონისა, ისინი უკრაინელ ჯარისკაცებთან ერთად, რუსულ აგრესიას უმკლავდებიან და ოკუპანტებს საპასუხო დარტყმებს აყენებენ.
“ორი დღის წინ ვიყავით გოსტომელის გაწმენდაზე, სადაც რუსებმა დაგვიტოვეს ე.წ. სიურპრიზი, საჩუქარი, ქიმიური ნივთიერება, რომლისგანაც მოვიწამლეთ 7 კაცი. სიმპტომები გვქონდა შესაბამისი, რაც ქიმიურ მოწამვლას მოყვება. ენით აღუწერელი, საშინელი კვალი დატოვეს რუსებმა, ადამიანები დახოცილი ჰყავთ სარდაფებში, ხელებშეკრული, ადამიანები ქუჩაში ყრიან, ასეთი სისასტიკით მშვიდობიანი მოსახლეობის წინააღმდეგ მგონი ფაშისტებიც კი არ მოქმედებდნენ”, – ყვება ნადიმ ხმალაძე.
კიდევ ერთი ქართველი მებრძოლი, ვანო ნადირაძე ყვება, რომ მათი თვალით ნახეს 9 ქალი, რომლებიც ჯერ გააუპატიურეს, შემდეგ ჩამოახჩერს – “ბევრ ომში ვარ ნამყოფი, მაგრამ ასეთი სიბინძურე და სისასტიკე არსად მინახავს”.