თბილისში, ლაგუნა ვერეს მიმდებარედ მომხდარი ე.წ. ქურდული გარჩევის დროს ორი ადამიანი მოკლეს, ორის პირის მდგომარეობა მძიმეა., 5 კი დაჭრილია. გარჩევაში 10-ზე მეტი პირი მონაწილეობდა, მათი ნაწილი რესპუბლიკურ საავადმყოფოში, ნაწილი კი ხეჩინაშვილის კლინიკაში მკურნალობს.
არსებული ინფორმაციით, დაპირისპირება ორ “კანონიერ ქურდს” შორის, ბიზნესსაქმიანობის გადანაწილებასთან დაკავშირებით მოხდა. ესენი არიან ირაკლი ყალიჩავა და ლევან მარღია (იგივე “ლევა ზუგდიდსკი”), რომლებიც თურქეთში იმყოფებიან.
გარჩევას ზუგდიდელი ე.წ. მაყურებელი, ხვიჩა ცხაკაია ხელმძღვანელობდა. ის ირაკლი ყალიჩავასთან თურქეთში იყო ჩასული, საქართველოში დაბრუნების შემდეგ კი ლევან მარღიას მხარეს დაუპირისპირდა.
თავად ცხაკაია დაჭრილია. მას ჭრილობა ზურგის არეში აქვს მიყენებული და რესპუბლიკურ საავადმყოფოშია მოთავსებული.
არსებული ინფორმაციით, გარჩევაში მონაწილეობდა რუსეთში მყოფი ე.წ. კანონიერი ქურდიც, თუმცა მისი ვინაობა არ სახელდება.
როგორც შინაგან საქმეთა სამინისტროში აცხადებენ, გამოძიება სისხლის სამართლის კოდექსის 109-ე და 236-ე მუხლით დაიწყო, რაც დამამძიმებელ გარეობებში განზრახ მკვლელობასა და ცეცხსასროლი იარაღის უკანონო შეძენა, შენახვასა და ტარებას გულისხმობს.