Anadolu-ს ცნობით, თურქეთის თავდაცვის მინისტრმა ჰულუსი აკარმა თქვა, რომ თურქული მხარე კოორდინაციაშია რუსეთისა და უკრაინის სტრუქტურებთან და რუსული ჯარების მიერ ალყაში მოქცეული მარიუპოლიდან მშვიდობიანი მოქალაქეების ევაკუაციისთვის.
“ანკარა მზადყოფნას გამოთქვამს ევაკუაციის პროცესისთვის მხარი დაუჭიროს თურქეთში რუსეთის სამხედრო ატაშეს, რომელიც ჩვენს თავდაცვის დეპარტამენტში იყო მიწვეული.
მსგავსი ინიციატივა რუსეთის ხელისუფლებას მოსკოვში თურქეთის სამხედრო ატაშეს მეშვეობით გადაეცა. ჩვენ ასევე კოორდინაციაში ვართ უკრაინის ინსტიტუტებთან ამ ქვეყანაში სამხედრო ატაშეს მეშვეობით”, – განაცხადა აკარმა.
ცნობისთვის, საპორტო ქალაქში ბრძოლები მიმდინარეობს, ბევრმა უკრაინელმა შეძლო გამოსვლა, მაგრამ 150 ათასზე მეტი ადამიანი კვლავ ალყაში რჩება. ჰუმანიტარულ დერეფნებში მუდმივად ირღვევა “სიჩუმის რეჟიმი” რუსი ოკუპანტების მიერ.