საქართველოს ბანკის ერთ-ერთი ფილიალზე თავდამსხმელები დააკავეს

0
159
გუშინ, საღამოს საათებში თბილისში, სამგორის რაიონში საქართველოს ბანკის ერთ-ერთი ფილიალი  დააყაჩაღეს. თავდამსხმელებმა  ცეცხლსასროლი იარაღის მუქარით   მოლარე-ოპერატორს ფული გასტაცეს, რა დროსაც დაცვის პოლიციის თანამშრომელმა, დანაშაულის აღკვეთის მიზნით, ცეცხლსასროლი იარაღიდან გასროლა განახორციელა” – აცხადებს შსს.შსს-ის ინფორმაციით ორივე თავდამსხმელი მსუბუქად დაიჭრა, თუმცა იქვე მდგომ ავტომობილში ჩასხდნენ და მძღოლი აიძულეს კონკრეტულ მისამართზე წაეყვანა.

 დღეს ორივე თავდამსხმელი დააკავეს.   1992 წელს დაბადებული დ.ბ. და ამავე წელს დაბადებული გ.ჟ.  დაკავების ადგილიდან ამოღებულია დანაშაულის ჩადენის იარაღები – ავტომატი და პისტოლეტი, ხოლო ავტომანქანიდან, რომლითაც თავდამსხმელებმა შემთხვევის ადგილი დატოვეს, ამოღებულია ბანკიდან წაღებული ფულის ნაწილი. 

შსს-ის ინფორმაციით  გამოძიება  საქართველოს სისხლის სამართლის კოდექსის 179-ე მუხლის მე-2 ნაწილის  ქვეპუნქტით და 236-ე მუხლის მე-3 და მე-4 ნაწილებით მიმდინარეობს, რაც ჯგუფურად ჩადენილ ყაჩაღობას და ცეცხლსასროლი იარაღის მართლსაწინააღმდეგო შეძენა-შენახვა-ტარებას გულისხმობს.

დანაშაული 6-დან 9 წლამდე ვადით თავისუფლების აღკვეთას ითვალისწინებს.

წინა სტატიაყაზახეთი არ დაეხმარება რუსეთს, გვერდი აუაროს დასავლეთის მიერ დაწესებულ სანქციებს
შემდეგი სტატიაქუთაისში ქალმა ურთიერთშელაპარაკებისას, მეგობარ მამაკაცს ყელი გამოჭრა. მკვლელობა გახსნილია
ტელეკომპანია ოდიშის საინფორმაციო სამსახური