სოფელ დარჩელში ,,ალტ ინფოს’’ ოფისის გახსნას პროტესტი მოჰყვა. ადგილობრივ მოსახლეობასთან ერთად ,,ერთიანი ნაციონალური მოძრაობის’’ წარმომადგენლები – მაია კალანდია და გია მამფორიაც იმყოფებოდნენ, რომლებიც მოითხოვდნენ ოჯახის მეპატრონისგან ,,ალტ ინფოსთვის’’ მიქირავებულ ოფისზე განთავსებული ბანერის ჩამოხსნას. კონსერვატიული მოძრაობის წარმომადგენლები თავიანთ ოფისთან მას შემდეგ მოვიდნენ, რაც სავარაუდოდ, ოჯახის მეპატრონისგან მიიღეს პროტესტანტების შესახებ ინფორმაცია.

რუსეთ-უკრაინის ომის ფონზე ,,ალტ ინფო’’ საქართველოს მასშტაბით ოფისების გახსნას განაგრძობს. მას შემდეგ, რაც ზუგდიდში ,,კონსერვატიული მოძრაობის’’ წარმომადგენლებს ფართის დატოვება მესაკურემ ვადაზე ადრე მოსთხოვა, ,,ალტ ინფომ’’ შემდეგი ოფისი სოფელ დარჩელში გახსნა.