ფინანსთა მინისტრმა, ლაშა ხუციშვილმა აქციზისა და დღგ-ს გაუქმებაზე ისაუბრა და თქვა, რომ ამ ეტაპზე ამ გადაწყვეტილების მიღება შეუძლებელია.
ხუციშვილმა მოსახლეობას “განუმარტა” რატომ ვერ შესრულდება საწვავის ფასთან დაკავშირებით მათ მიერ დაყენებული მოთხოვნები.
“კონკრეტულად, აქციზისა და დღგ-ს გაუქმებასთან მიმართებაში. ეს ჯამურად ქვეყნის შემოსავლების ნაწილში შეადგენს 1.3 მილიარდ ლარს. ეს არის ჩვენი საგადასახადო შემოსავლების, დაახლოებით, 8%-დან 9%-მდე. ბუნებრივია, ამხელა ტიპის საგადასახადო შემოსავლების დაკლებაზე, როდესაც მიმდინარე წელი დაგეგმილია და წელს დაგეგმილია ქვეყნის მიერ აღებული სოციალური ვალდებულებები ჩვენი მოსახლეობის წინაშე, შეუძლებელია ამ ეტაპზე იქნას საუბარი”,- თქვა ლაშა ხუციშვილმა.
შეგახსენებთ, რომ გუშინ საწვავის გაზრდილი ფასების გასაპროტესტებლად მოქალაქეებმა დედაქალაქსა და საქართველოს დიდ ქალაქებში აქცია გამართეს. შსს-მ პროტესტის გამო, 20 ადამიანი დააკავა. აქციის მონაწილეები საწვავზე აქციზის შემცირებას ითხოვენ, რაც მათი თქმით, საწვავის ფასს დაარეგულირებს.