აშშ-ს პრეზიდენტი პოლონეთის პრეზიდენტს პოლონეთ-უკრაინის საზღვარზე, ქალაქ ჟეშოვში, სამხედრო კარავში შეხვდა. მოლაპარაკებებს ორივე მხრიდან, უმაღლესი თანამდებობის პირები ესწრებოდნენ.
დღეს თვითმფრინავი, რომლითაც პოლონეთის პრეზიდენტი ანდჟეი დუდა აშშ-ს პრეზიდენტთან, ჯო ბაიდენთან შესახვედრად მიფრინავდა, ავარიულად დაეშვა. ამიტომ შეხვედრა დათქმულ დროზე გვიან შედგა
დუდას მოლოდინში, ჟეშოვში ჩასვლისთანავე, ბაიდენი ნატოს ჯარისკაცებს ესტუმრა. მან 82-ე სადესანტო დივიზიის სამხედროები მოინახულა და საკმაოდ დიდი ხნის განმავლობაში ესაუბრა, მათთან ერთად პიცა მიირთვა და ფოტოები გადაიღო.
ჯო ბაიდენის თვითმფრინავმა ჟეშოვი რამდენიმე წუთის წინ დატოვა და ვარშავაში გაფრინდა. ის ღამეს პოლონეთის დედაქალაქში გაათევს.