რიკოთის უღელტეხილზე ზუგდიდი-თბილისის სამგზავრო ავტობუსს ავტოავარია შეემთხვა.
ტერიტორიაზე, სადაც სამშენებლო სამუშაოებს ჩინური კომპანია ახორციელებს, მიწის მასა ჩამოიშალა და ტრანსპორტი დააზიანა. საბედნიეროდ, ავტობუსის მძღოლმა იმარჯვა და მგზავრები ხიფათს გამოარიდა. შემთხვევის შედეგად 1 პირი მსუბუქად დაშავდა. მალევე თბილისიდან სხვა ავტობუსი გამოიძახეს და მგზავრები ზუგდიდში უსაფრთხოდ ჩამოიყვანეს.
ავარიის შემსწრენი ვარაუდობენ, რომ მიწის ჩამოშლა ან უამინდობასთან ერთად უხარისხოდ გაკეთებულმა ჯებირმა გამოიწვია, ან არასწორად მიმდინარე საგზაო სამუშაოებმა, მათი თქმით, შემთხვევის დროს ადგილზე ტრაქტორი მუშაობდა და გზას ჭრიდა.