რუსმა ოკუპანტებმა ლუგანსკის ოლქში ფოსფორის ბომბები გამოიყენეს. დაბომბვის შედეგად ქალაქ რუბეჟნოეში დაიღუპა 4 ადამიანი, მათ შორის 2 ბავშვი, 6 მოქალაქე კი დაშავდა.

ინფორმაციას ოლქის რეგიონული სამხედრო ადმინისტრაციის ხელმძღვანელი, სერგეი გაიდაი ავრცელებს.

ოკუპანტებმა ასევე დაბომბეს სევეროდონეცკი, ლისიჩანსკი, კრემენნაია, ნოვოდრუჟესკი, ვოევოდოვკა. შედეგად დაზიანდა 31 ობიექტი, მათ შორის 10 ბინა და 13 კერძო სახლი. 16-ში შენობაში ხანძარი გაჩნდა. 

ამ დროისთვის ლუგანსკში 14 დასახლებულ პუნქტს ელექტროენერგიის მიწოდება ნაწილობრივ შეუწყდა, 21-ს კი მთლიანად. ელექტროენერგიის გარეშეა 101 526 მომხმარებელი. გაზი არ მიეწოდება 27 დასახლებას, აქედან 5-ს ნაწილობრივ, ხოლო 22-ს მთლიანად.