შეერთებულმა შტატებმა რუსეთის წინააღმდეგ ახალი სანქციები დააანონსა.
როგორც ეროვნული უსაფრთხოების მრჩეველმა ჯეიკ სალივანმა თეთრ სახლში გამართულ ბრიფინგზე განაცხადა, სანქციებთან დაკავშირებით დამატებითი დეტალები – 24 მარტს გახდება ცნობილი.
ჯო ბაიდენი ევროპული ქვეყნების ლიდერებთან ისაუბრებს “ენერგოუსაფრთხოებასა და ერთობლივ ნაბიჯებზე, გრძელვადიან პერსპექტივაში შეამციროს ევროპის დამოკიდებულება რუსულ გაზზე.
“პრეზიდენტი ასევე ილაპარაკებს ადამიანის უფლებებზე და უპასუხებს უკრაინიდან ლტოლვილების გაზრდილ ნაკადს”. – განაცხადა სალივანმა.
ჯო ბაიდენი მონაწილეობას მიიღებს G7-ის ფორმატში გამართულ შეხვედრებში. ასევე, ჩავა პოლონეთში, სადაც, როგორც სალივანი ამბობს, “შეხვდება ამერიკელ ჯარისკაცებსაც, რომლებიც NATO-ს ტერიტორიის დაცვაში მონაწილეობენ, ასევე, ექსპერტებს, რომლებიც ჩართულები არიან ჰუმანიტარული საკითხების მოგვარებაში”.
აშშ-ის პრეზიდენტი პოლონეთის ლიდერს, ანჟეი დუდასაც შეხვდება. სალივანმა არ იცის, შეხვდება თუ არა ბაიდენი უკრაინელ ლტოლვილებს.