უკრაინაში დაღუპულ ქართველ მებრძოლებს სამშობლოში დღეს ჩამოასვენებენ. შესაბამისი პროცედურა უკვე დაწყებულია, თუმცა ზუსტი დრო გაურკვეველია. უკრაინის ტერიტორიაზე გამშვები პუნქტების გავლის შემდეგ ცხედრებს პოლონეთში გადაასვენებენ. პოლონეთიდან კი პირდაპიი რეისით საქართველოში.
დავით რატიანი, გიორგი ბერიაშვილი, ბახვა ჩიქობავა პუტინის აგრესიასა და ომს ემსხვერპლნენ – მეგობარი ქვეყნის მიწაზე ქართველები თავისუფლების დასაცავად იბრძოდნენ.