რამდენიმე საათი გავიდა მას შემდეგ, რაც რუსეთის მიერ დაწესებული ულტიმატუმის ვადა ამოიწურა. ალყაში მოქცეული საპორტო ქალაქი მარიუპოლი დანებებას არ აპირებს. ქალაქში, სავარაუდოდ, 300 000 ადამიანია მცირე მარაგებით.

რუსმა სამხედროებმა უკრაინას ორშაბათს მოსკოვის დროით 05:00 საათამდე მისცეს ვადა, რომ ქალაქი ჩაბარებულიყო, სანაცვლოდ კი პირობა დადო, რომ მშვიდობიანი მოსახლეობის გასაყვანად 2 ჰუმანიტარულ დერეფანს გახსნიდა.

უკრაინამ ულტიმატუმი უარყო.

BBC-სთან საუბრისას ქალაქის მერის მრჩეველმა განაცხადა, რომ რუსეთის დაპირებების ნდობა არ შეიძლება და სამხედროები ბოლო ჯარისკაცამდე იბრძოლებენ.

მოსკოვს არ დაუკონკრეტებია, რას გააკეთებდნენ მისი ჯარები, რომლებიც ალყაში აქცევდნენ ქალაქს, თუ ულტიმატუმი უარყოფილი იქნებოდა.