უკრაინაში რუსეთის აგრესიას კიდევ ერთი ქართველი სამხედრო ემსხვერპლა. არსებული ინფორმაციით,
სამეგრელო-ზემო სვანეთის გდდ-ს სამხარეოს სამმართველოს ყოფილი უფროსი, 51 წლის ბახვა ჩიქობავა მარიოპულში დაიღუპა. ბახვა ჩიქობავა სენაკელია და უკრაინაში ხელისუფლების ცვლილების შემდეგ გადავიდა.შეგახსენებთ, გუშინ უკრაინაში ორი ქართველი მებრძოლი გია ბერიაშვილი და დავით რატიანი დაიღუპნენ. შეტაკება კიევის მახლობლად, ქალაქ ირპენთან მიმდინარეობდა. მას შემდეგ, რაც რუსმა ქვეითებმა დაცვის ხაზის გარღვევა ვერ შეძლეს, საოკუპაციო არმიამ მასირებული დაბომბვა დაიწყო. სამი ქართველი და ერთი ფრანგი მოხალისე სწორედ ამ დაბომბვაში მოყვნენ. ერთი ქართველი და ფრანგი მებრძოლი დაჭრილები არიან.