უკრაინაში ორი ქართველი მებრძოლი დაიღუპა. ინფორმაციას ამის შესახებ საქართველოს თავდაცვის ყოფილი მინისტრი, ირაკლი ოქრუაშვილი ავრცელებს, რომელიც უკრაინაში იბრძვის.
რუსეთის თავდასხმის შემდეგ უკრაინაში საბრძოლველად საქართველოდან მოხალისეებიც გაემგზავრნენ. რუსეთის სამხედრო ძალების წინააღმდეგ ქართველი მოხალისეებისგან შემდგარი რამდენიმე შენაერთი იბრძვის, მათ შორის ირაკლი ოქრუაშვილის ჩამოყალიბებული “სოხუმიცაა”.