მოსკოვში გამართულ კონცერტზე პრეზიდენტი ვლადიმერ პუტინის გამოსვლისას ეთერი მოულოდნელად შეწყდა.
საკონცერტო სცენა, საიდანაც პუტინმა რუსეთის მოსახლეობას მიმართა მორთული იყო სლოგანებით „სამყარო ნაციზმის გარეშე“ და „ჩვენი პრეზიდენტის მხარდასაჭერად“ – ორივე შემთხვევაში რუსული ასო ზ-ს ნაცვლად გამოყენებული იყო ლათინური “Z”, რაც უკრაინაში მიმდინარე ომში რუსეთის ჯარის სიმბოლოა.
ვლადიმერ პუტინი გამოსვლისას, როცა რუსი ხალხის ერთიანობაზე საუბრობდა, მიმართვა მოულოდნელად შეწყდა და ოლეგ გაზმანოვის სიმღერით გაგრძელდა.