კიევის სიახლოვეს, ქალაქ ირპენთან ქართული ლეგიონის წევრებისთვის გახსნილი საარტილერიო ცეცხლის დროს ორი ქართველი მოხალისე დაიღუპა, ერთი დაიჭრა, დაჭრილია ასევე ფრანგი მოხალისე.
საბრძოლო დავალების შესრულების შემდეგ, გამთენიისას, მაშინ როცა მებრძოლები უკან ბრუნდებოდნენ, ოკუპანტებმა მათი მისამართით ცეცხლი გახსნეს. როგორც ანტიოკუპაციური მოძრაობის ლიდერი დავით ქაცარავა ამბობს, ესროდნენ სხვადასხვა სახის იარაღიდან და საარტილერიო დანადგარებიდან, მათ შორის, ნაღმმტყორცნებიდან.
დავით რატიანი და გია ბერიაშვილი სწორედ ამ დროს დაიღუპნენ. დაჭრილია კიდევ ერთი ქართველი და ფრანგი მოხალისე.
შეგახსენებთ, რომ ირპენთან დგას ვოლოდიმი ზელენსკის ინიციატივით ჩამოყალიბებული, მოხალისეთა საერთაშორისო ლეგიონი, სადაც სხვადასხვა ქბეყნის მოქალაქეები არიან გაერთიანებული.
ამ დროისთვის ირპენიდან დაღუპულთა ცხედრების გამოყვანის სპეცოპერაცია ტარდება.