ვლადიმირ პუტინის პირადი ცხოვრება რომ მკაცრადაა გასაიდუმლოებული და მის შესახებ ფაქტები ბევრისთვის უცნობია, რუსეთშიც და მის ფარგლებს გარეთაც ყველამ იცის.
ამის მიუხედავად, გაჟონა ინფორმაციამ, რომ ვლადიმირ პუტინს სანკტ-პეტერბურგში 17 წლის ქალიშვილი ჰყავს და როგორც მედიაში წერენ, მისი დაბადება პუტინის პოლიტიკური კარიერის დასაწყისს ემთხვევა.
გოგონას დედა სვეტლანა კრივონოგაიაა, რომელიც დამლაგებელი იყო, მაგრამ 2000 წელს რუსეთის ერთერთი ყველაზე მდიდარი ქალი გახდა. ეს სწორედ ის წელია, როცა ვლ. პუტინი პირველად გახდა რუსეთის პრეზიდენტი. 2003 წელს სვეტლანამ გააჩინა გოგონა და მას ელიზაბეტა დაარქვა.
გოგონა დიდად არ განსხვავდებოდა თანატოლებისგან, პოსტავდა ინსტაგრამზე, ინტერესდებოდა მოდითა და მუსიკით, მაგრამ ბოლო წლებში მისი ნებისმიერი ბლოგის ქვეშ შეხვდებოდით პოლიტიკურ კომენტარებს, წყევლას იმის გამო, რასაც მისი სავარაუდო მამა სჩადის უკრაინაში. ამის შემდეგ გოგონამ ბლოგი საერთოდ დაბლოკა.
ყვითელი პრესის თანახმად, ვლადიმირ პუტინისა და ლუიზას (ელიზაბეტს ასეც ეძახიან) დედის რომანი მაშინ დასრულდა, როცა რუსეთის პირველმა პირმა დაიწყო ურთიერთობა ტანმოვარჯიშე ალინა კაბაევასთან.
მსოფლიოს მთავარ აგრესორს ორი ქალიშვილი ლუდმილა პუტინასგან ჰყავს: მარია 35 წლისაა, კატერინა 34. წყვილი 2013 წელს დაშორდა, ალინა კაბაევასა და ვლ. პუტინს კი ოთხი შვილი ჰყავთ.
