უკრაინის შეიარაღებულმა ძალებმა ხერსონთან, ჩერნობაევკის აეროდრომზე, ერთი საარტილერიო დარტყმით გაანადგურეს რუსული სამხედრო ვერტმფრენები, რომლებიც იქ იყვნენ ბაზირებული.
ჩერნობაევკის აეროდრომზე ზუსტი საარტილერიო, წერტილოვანი დარტყმები განხორციელდა და როგორც უკრაინაში მყოფი ეკონომიკის ყოფილი მინისტრი გიორგი არველაძე წერს, ეს ზუსტი დარტყმა მას შემდეგ გახდა შესაძლებელი, რაც აშშ-მა უკრაინას სადაზვერვო, ზუსტი მონაცემები მიაწოდა.
“ამერიკელებმა პირველად მიაწოდეს უკრაინას ეგრეთწოდებული ‘lethal intelligence’, ანუ ოპერატიული სადაზვერვო მონაცემები, რაზეც შეიძლება დაუყოვნებელი ლეტალური რეაგირება. (აქამდე ასეთ სადაზვერვო მონაცემებს ამერიკა ლეგალურად ვერ იძლეოდა)”, – წერს არველაძე და ამატებს, რომ ამ მონაცემების მიღების შემდეგ უკრაინელებმა ისე გაანადგურეს რუსული ვერტმფრენები, რომ ისინი ადგილიდანაც არ აფრენილან.