საქართველოს მესამე პრეზიდენტის, მიხეილ სააკაშვილის სასამართლო პროცესებზე დაკვირვების შედეგს აღწერს ენმ-ს პოლიტსაბჭოს წევრი, მიხეილ სააკაშვილის ერთერთი აქტიური მხარდამჭერი მაიკო ჯავახიშვილი. 

კონკრეტულად, ის იმაზე ამახვილებს ყურადღებას, რომ მიხეილ სააკაშვილი, ფაქტობრივად, არ მიმართავს მოსამართლეებსა და პროკურორებს, ყურადღებას არ აქცევს მათ და სასამართლო დარბაზში ყოფნას იყენებს შესაძლებლობად, თავის ხალხს ელაპარაკოს. 

“ალბათ დააკვირდით, რომ გისოსებს მიღმა საუბრისას, დგას დარბაზისკენ მობრუნებული, საზოგადოების პირისპირ, თვალებში უყურებს და ესაუბრება მხოლოდ საკუთარ ხალხს..

თუნდაც ეს საათნახევარი გაგრძელდეს, არ ბრუნდება და არ უყურებს არც მოსამართლეს და არც პროკურორებს.. არც სათქმელი და ასახსნელი აქვს მათთვის რამე.. ნულოვანი კონტაქტი აქვს მათთან და ნულოვანი რეაგირება მათ რეპლიკებსა თუ შენიშვნებზე.. ხმაურზეც კი.. აბსოლუტური იგნორი!.. მშვიდად იცდის სიტყვის გაგრძელებამდე..

იმიტომ, რომ სულ ცალ ფეხზე ჰკიდია ივანიშვილის რუსული სამართალი!.. არც ცნობს და არც მონაწილეობს მასში!..

პირიქით, თავისი მასშტაბურობით ამ რუსულ სამართალსაც საკუთარ თავზე ირგებს და ისე იყენებს, როგორც შესაძლებლობას, თავის ხალხს ელაპარაკოს, თითქოს ტრიბუნიდან, სანუკვარ მომავლის საქართველოზე..

მხოლოდ მას შეუძლია, ნაშიმშილები, ნაწამები და სიკვდილის ნაპირიდან მობრუნებული, ბუნდოვანი აწმყოთი, თავისუფლების გაურკვეველი მომავლით და მიზნის მისაღწევად მხოლოდ საკუთარი ურყევი რწმენის ამარა, იდგეს რუსულ გისოსებში და ძლიერი ქართული სახელმწიფოს რეფორმები და პროგრამები აანონსოს..

ზუსტად იცის, რომ „შეუძლებელია დაამარცხო ის, ვინც არ ნებდება”.. – წერს მაიკო ჯავახიშვილი.