“როდის შეგვიძლია ვთქვათ, რომ არ ვიღებთ კაცობრიობის წინაშე ჩადენილ ამ მასშტაბურ დანაშაულს? ჩვენ არ შეგვიძლია ამის დაშვება, ჩვენ არ შეგვიძლია ამის გაგრძელების უფლება მივცეთ”. – თქვა რესპუბლიკური პარტიის დონორებთან შეხვედრისას ამერიკის შეერთებული შტატების ექსპრეზიდენტმა, დონალდ ტრამპმა.
მან უკრაინაში რუსეთის შეჭრის საკითხზე ისაუბრა და NATO-ს “ქაღალდის ვეფხვი” უწოდა. ტრამპის თქმით, ის უბიძგებდა NATO-ში შემავალ ქვეყნებს, რომ საერთო თავდაცვისთვის მეტი თანხები გამოეყოთ.
ტრამპმა პირდაპირ განაცხადა,რომ შეერთებულმა შტატებმა თავის F-22 თვითმფრინავებზე ჩინეთის დროშა უნდა გამოსახოს და “რუსეთი გადაბომბოს”. მისივე თქმით, აშშ-ს პრეზიდენტმა, ჯო ბაიდენმა უფრო მებრძოლი ტონით უნდა ისაუბროს.