რომის პაპის ფრანცისკეს განცხადებით, უკრაინის სამხედრო კონფლიქტი „არის არა სამხედრო ოპერაცია, არამედ ომი“.
პაპმა უკრაინას უწოდა „წამებული ქვეყანა“ , სადაც „ცრემლისა და სისხლის მდინარეები მოედინება“.
პაპმა ფრანცისკემ უსაყვედურა რუსეთს და უარყო მისი ოფიციალური ნარატივი, რომელიც ამტკიცებს, რომ უკრაინაში სამხედრო შეჭრა არის „სპეციალური სამხედრო ოპერაცია“ , რომლის მიზანიც უკრაინის „დემილიტარიზაციაა“.
შეგახსენებთ, რომის პაპმა გასულ კვირას მხარეებს ომის დასრულებისკენ მოუწოდა და ჰუმანიტარული დერეფნის გახსნა სთხოვა, რათა მშვიდობიანმა მოქალაქეებმა კონფლიქტის ზონიდან გასვლა შეძლონ.