“ხვალიდან დეფოლტების ტალღა იწყება და რუსეთის დეფოლტით დასრულდება” – კოვალენკო

0
212

ცნობილი ოდესელი ბლოგერი ალექსანდრე კოვალენკო წერს, რომ რუსეთის დენაციფიკაცია წარმატებით დაიწყო და მიმდინარეობს. ის რუსეთის დეფოლტს პროგნოზირებს. 

“დღეს “როსნეფტმა” ვერ შეძლო ობლიგაციებით $2 მილიარდის გადახდა. ინვესტორებმა უარი განაცხადეს, გადახდა რუბლით მიეღოთ. ხვალ იგივე გადახდა უნდა განახორციელოს “გაზპრომმა”, $1,3 მილიარდი დოლარის ოდენობით. ცხადია, ისიც ვერ შეასრულებს ამ ტრანზაქციას. რა ხდება შემდეგ? შემდეგ მოდის რუსეთის საზღვრებს გარეთ არსებული ქონების კონფისკაცია და დეფოლტების ტალღა, რომელიც მთლიანად რუსეთის დეფოლტით დასრულდება. ასე რომ, რუსეთის დენაციფიკაცია წარმატებით მიმდინარეობს”, – წერს ალექსანდრე კოვალენკო. 

შეგახსენებთ, უკრაინის დემილიტარიზაცია და დანაციფიკაცია (ანუ, ქვეყნის გათავისუფლება ნაციზმისგან) იმ ამოცანებს შორისაა, რომელიც ვლ. პუტინმა დაისახა მიზნად, როცა უკრაინაში ომი, მისი სიტყვებით, “სპეციალური სამხედრო ოპერაცია” წამოიწყო. ცეცხლის შეწყვეტისა და უკრაინიდან ჯარების გაყვანისთვის რუსეთის პრეზიდენტი უკრაინას სწორედ ამ პირობებს უყენებს. 

წინა სტატია,,ყველაფერს გავაკეთებთ, რომ მიხეილ სააკაშვილი უკრაინაში დავაბრუნოთ ” -უკრაინის საგარეო საქმეთა სამინისტრო
შემდეგი სტატიაZ ნიშანი მაისურზე – ასე გამოვიდა რუსი ტანმოვარჯიშე მსოფლიო თასზე
ტელეკომპანია ოდიშის საინფორმაციო სამსახური