უკრაინაში მიმდინარე შეტაკების დროს მოკლულია რუსეთის 247-ე სადესანტო-მოიერიშე პოლკის მეთაური, პოლკოვნიკი კონსტანტინ ზიზევსკი.
ამის შესახებ ინფორმაციას უკრაინის მოხალისეთა რაზმის წევრები ერთერთ ვებგვერდზე ავრცელებენ. რაზმის პრესსამსახურის ხელმძღვანელი ოლგა ბუზულუკი წერს, რომ პოლკოვნიკმა სასიკვდილო ჭრილობა მიიღო, როცა ერთერთი მიმართულებით გარღვევის მცდელობას ხელმძღვანელობდა.
პოლკოვნიკ ზიზევსკის პოლკი სტავროპოლშია დისლოცირებული და სამხრეთის სამხედრო ოლქში შედის. ეს პოლკი მე-7 გვარდიული სადესანტო-მოიერიშე დივიზიის შემადგენლობაშია. კონსტანტინ ზიზევსკი ამ პოლკს 2020 წლიდან ხელმძღვანელობდა.