შეთანხმების მიუხედავად, რუსული მხარე არ წყვეტს ცეცხლს მარიუპოლის მიმართულებით, რის გამოც უსაფრთხო დერეფნის შექმნა და მოსახლეობის ევაკუაცია გადადებულია, – ამის შესახებ ინფორმაციას უკრაინული მხარე ავრცელებს.
შეგახსენებთ, მარიუპოლზე საარტილერიო იერიშისა და სხვა სახის ცეცხლის შეწყვეტის შესახებ შეთანხმებას რუსულმა და უკრაინულმა მხარეებმა დილით მიაღწიეს.
ასევე შეგახსენებთ, რომ ამ დროისთვის რუსი ოკუპანტები აგრძელებენ შეტევას ხარკოვისა და ნიკოლაევის მიმართულებით. არის საფრთხე, რომ ნიკოლაევზე შეტევის პარალელურად, რუსული სამხედრო ნაწილები ოდესასაც შეუტევენ.