უკრაინის პრეზიდენტი მოქალაქეებს ომის მეცხრე დღის დასრულების შემდეგ, ტრადიციულად მიმართავს და ისევ ნატოს გაუბედავ ნაბიჯებს აკრიტიკებს.
მისი თქმით, ნატოს წევრი ყველა ქვეყნის დაზვერვა ადასტურებს, რომ რუსეთი აპირებს გააგრძელოს უკრაინული ქალაქების დაბომბვა, მაგრამ ამის მიუხედავად, სამიტზე არ მიიღეს გადაწყვეტილება უკრაინაში უპილოტო ზონის გამოცხადების შესახებ.
“თქვენ უნდა გეფიქრათ ხალხზე, ადამიანებზე, რომლებიც დაიღუპნენ და მომავალშიც დაიღუპებიან თქვენი სისუსტის გამო. რაზე ფიქრობდით იმ სხდომაზე? ყველაფერი, რაც დღეს შეძელით, ის იყო, რომ ჩვენთვის 50 ტონა დიზელის საწვავი შეისყიდეთ…
ალბათ, იმისთვის, რომ ბუდაპეშტის მემორანდუმი (1994 წელს უკრაინის, რუსეთის, აშშ-სა და დიდი ბრიტანეთის მიერ ხელმოწერილი მემორანდუმი, რითაც უკრაინამ უარი თქვა ბირთვულ იარაღზე და ქვეყანაში არსებული ბირთვული არსენალის განადგურების პირობა დადო, სანაცვლოდ კი უსაფრთხოების გარანტიები მიიღო,-რედ.) დავწვათ, რომ კარგად აალდეს? მაგრამ ის ჩვენთვის ისედაც დამწვარია.
ნუთუ ასეთი ნატო გვინდოდა? ასეთ ალიანსს ვაშენებდით? დღეს ალიანსის ხელმძღვანელობამ მწვანე შუქი აუნთო უკრაინის ქალაქების დაბომბვის გაგრძელებას”, – აღნიშნა ვოლოდიმირ ზელენსკიმ, რომელიც რუსეთთან ომის დაწყების შემდეგ, აქტიურად ითხოვს ნატოსგან უკრაინის გამოცხადებას უპილოტო ზონად და ქვეყნის თავზე ცის დახურვას.
დენი კი არა, ჟანგბადი რომ გადაგვიკეტოთ, ჩავისუნთქავთ და გეტყვით: “გაეთრიეთ!” – ზელენსკი ოკუპანტებს