მას შემდეგ, რაც უკრაინაში წარმოებული ომის გამო, ცივილიზებულმა მსოფლიომ რუსეთს სანქციები დაუწესა და ისინი მცირე და საშუალო ბიზნესის წარმომადგენლებსაც შეეხო, რუსეთის მოქალაქეებმა აქტიურად დაიწყეს ბიზნესსაქმიანობის საქართველოში გადმოტანის პროცედურა.
ამაზე ბიზნესრეესტრის ჩანაწერები მიუთითებს, რომელიც “აი ფაქტმა” შეისწავლა და სრული სურათის ამსახველი ანალიზი გამოაქვეყნა.
საჯარო რეესტრის მონაცემები ადასტურებს, რომ უკრაინაში ომის დაწყების შემდეგ რუსებმა ჩვენთან ჩამოსვლა და ბიზნესების რეგისტრაცია მოუხშირეს.
“აი, ფაქტმა” დათვალა, რომ ბოლო ოთხ დღეში საქართველოში ბიზნესსაქმიანობის დაწყება სულ 201-მა რუსმა მოისურვა.
1 მარტს იუსტიციის სახლს რეგისტრაციისთვის 43-მა პირმა მიმართა;
2 მარტს 58-მა;
3 მარტს მოთხოვნა არ ყოფილა;
4 მარტს 17:30-მდე კი ბიზნესრეესტრში განაცხადი 100-მა რუსმა შეიტანა.
უმრავლესობას, 184 პირს სურს ინდ. მეწარმედ რეგისტრაცია, 16-ს კომპანიის, ერთს კი ააიპ-ის.
“აი ფაქტის” მონაცემების მიხედვით, რუსებს იურიდიულ პროცედურებში ხშირად ქართველებიც ეხმარებიან. ზოგი კი უძრავი ქონების გამოყენების უფლებასაც აძლევს.