ტერიტორიული თავდაცვის 206-ე ბატალიონის წევრებმა კიევში დააკავეს სახალხო დეპუტატი ნესტორ შუფრიჩი, რომელიც ბლოკ-პოსტების გადაღებით იყო დაკავებული.
როგორც ჯგუფი “სქემა” იტყობინება, ერთერთ ბლოკ-პოსტთან შუფრიჩი მანქანით მივიდა, დაცვის წევრებთან ერთად, შემდეგ კი მანქანიდან გადმოსულმა, დაიწყო ბლოკ პოსტისთვის ფოტოების გადაღება.
ამ მცდელობის დროს შუფრიჩი დააკავეს. მიუხედავად იმისა, რომ მისი დაცვა ცდილობდა ამ დაკავებისთვის შეიარაღებული წინააღმდეგობა გაეწია, ის განაიარაღეს.
“დაველოდებით პოლიციისა და უსაფრთხოების სამსახურის თანამშრომლებს, შემდეგ კი გავარკვევთ, რა ბედი ეწევა შუფრიჩს. ის უვნებელია”, – განაცხადეს ტერიტორიული თავდაცვის ბატალიონის წევრებმა.
თავად შუფრიჩი აცხადებს, რომ უბრალოდ, ფოტოს გადაღებას ცდილობდა სამახსოვროდ, თვალსაჩინო ადგილას.