“გამარჯობა, მე რუსეთის არმიის ლეიტენანტი ვარ, დიმიტრი იაკოვარცევი. ჩემი ნაწილი მოსკოვის ოლქშია დისლოცირებული.
ჩვენ, ჩრდილო-დასავლეთის სამხედრო ოლქის ჯარისკაცები გამოგვიძახეს თითქოსდა მასშტაბურ სწავლებაზე, მაგრამ გადაგვიყვანეს უკრაინაში და ბრძანების შემდეგ დავიწყეთ საომარი მოქმედებები.
ჩვენი კოლონა მიწასთან გაასწორეს (расх*ярили) “ჯაველინებითა” და “ბაირაქტრებით”. მე და რამდენიმე ჯარისკაცი ცოცხლები გადავრჩით და ამჟამად ტყვედ ვართ. მე გადავეცი იმ ჯარისკაცების სია, რომლებიც დაიღუპნენ სატანკო ბატალიონიდან.
ტყვე ჯარისკაცი თანამემამულეებს აქტიურობისკენ მოუწოდებს, რათა ომის დასრულება მოახერხონ.
“გამოდით ქუჩაში, მოედნებზე, მოაწყვეთ პიკეტები, რათა ათასობით უადანაშაულო ადამიანი არ დაიღუპოს, რათა ეს უაზრო ომი დასრულდეს”, – ამბობს იაკოვარცევი.