ამ ომში უკრაინელები როგორც უკრაინისთვის, ასევე საქართველოსთვის გაიმარჯვებენ – დავით არახამია

0
267

უკრაინის რადას ფრაქცია ხალხის მსახურის ლიდერმა, დავით არახამია საქართველოს მოსახლეობას მიმართავს და მხარდაჭერისთვის მადლობას უხდის. არახამიას თქმით, უკრაინელები ომში არა მხოლოდ უკრაინისთვის, არამედ საქართველოსთვის გაიმარჯვებენ.

“პატივცემულო საქართველოს მოქალაქეებო, მინდა მადლობა გადაგიხადოთ, რომ უკრაინას მხარს ასე მტკიცედ უჭერთ. ქუჩაში გამოხვედით და ვიდეომიმართვები ჩაწერეთ, ეს ძალიან მნიშვნელოვანია. დამიჯერეთ, პატარა ყურადღებაც კი ჩვენი ჯარისკაცისთვის მორალურად ძალიან ბევრს ნიშნავს.

დღეს ჩვენი ჯარისკაცები რუსულ არმიას ებრძვიან. არმიას, რომლის სამხედრო ტექნიკა და ჯარისკაცების რაოდენობა მნიშვნელოვნად აღემატება უკრაინულ ჯარს, თუმცა რუსები მორალურად მარცხდებიან.

2008 წელს საქართველოშიც მსგავსი ვითარება იყო, სამწუხაროდ, მაშინ საქართველომ რუსეთის დამარცხება ვერ მოახერხა. დღეს ამ ომში, უკრაინელები, როგორც უკრაინისთვის, ასევე საქართველოსთვის გაიმარჯვებენ. ვიცი, რომ ყველაზე კარგად გესმით, ის, რაც ახლა ხდება”,- ამბობს არახამია , რომელიც რუსეთთან მოლაპარაკებებში, უკრაინას წარმოადგენს.

წინა სტატია“თუ არ გაქვთ იმის ძალა, რომ ცა დახუროთ, მაშინ მომეცით მე თვითმფრინავები!” – ზელენსკი
შემდეგი სტატიამოლაპარაკებების მეორე რაუნდი დაწყებულია
ტელეკომპანია ოდიშის საინფორმაციო სამსახური