ზუგდიდის საკრებულოს სხდომაზე ერთიანმა ნაციონალურმა მოძრაობამ უკრაინის დროშა მიიტანა და მაგიდაზე გადაფინა. დეპუტატებმა წუთიერთი დუმილით პატივი მიაგეს უკრაინაში, შეტაკებების დროს დაღუპულთა ხსოვნას.
სხდომა საკრებულოს თავმჯდომარე გიგა ფარულავამ გახსნა, რომელმაც მხარდაჭერა გამოუცხადა უკრაინას და ხელისუფლება მისი პოზიციის გამო გააკრიტიკა.
“ახლა აქტიური მოქმედებების დროა. უნდა შევახსენოთ მთელს მსოფლიოს, რომ ჩვენ რუსული აგრესიის პირველი მსხვერპლი ვართ. ეს აგრესია ჩვენი ქვეყნის ტერიტორიების ოკუპაციით დაიწყო და რუსეთის აგრესიაზე სწორი პასუხი საქართველოს და უკრაინის დაუყოვნებლივ მიღებაა ევროპუ ოჯახში”, – განაცხადა გიგა ფარულავამ.