რუსეთის ეკლესიის მღვდელმსახურთა და დიაკვანთა ნაწილმა უკრაინასთან ომის შეწყვეტა მოითხოვა. მათ უკრაინაში მიმდინარე მოვლენები “უკრაინასთან ძმათამკვლელ ომად” მოიხსენიეს, რაც იმას ნიშნავს, რომ “როსკომნადზორის” მოთხოვნა დაარღვიეს, სადაც აკრძალულია უკრაინის მოვლენების ომად მოხსენიება.
მიმართვას ხელი მოაწერა რუსეთის ეკლესიის ასამდე მღვდელმსახურმა, ხელმოწერების შეგროვება გრძელდება.
“კაცობრიობას საშინელი სამსჯავრო ელოდება. ვერანაირი მიწიერი ძალაუფლება, ექიმები, დაცვა ვერ გვიხსნის ამ სამსჯავროსგან. თითოეული იმ ადამიანის სულზე ზრუნვის გამო, ვინც თავს რუსეთის მართლმადიდებელი ეკლესიის შვილად მიიჩნევს, ჩვენ არ გვინდა, რომ ისინი წარსდგნენ ამ საშინელ სამსჯავროზე, შვილმოკლული დედების წყევლის მძიმე ტვირთით მხრებზე”, – ნათქვამია განცხადებაში, რომელსაც მღვდელმსახურებმა ხელი მოაწერეს.