ქალაქ ონში ადგილობრივმა მოსახლეობამ უკრაინელებს სოლიდარობა გამოუცხადა.
დილიდან ქალაქის ქუჩებში ადგილობრივები, მათ შორის, ბავშვები უკრაინის სახელმწიფო დროშებითა და მხარდამჭერი ლოზუნგებით გამოვიდნენ.
“ონში დღეს უკრაინისადმი სოლიდარობის აქცია გავმართეთ, მხარდაჭერა გამოვუცხადეთ თავისუფლებისთვის თავგანწირვით მებრძოლ მოძმე ხალხს. ჩვენს პატარა ქალაქს გამოცდილი აქვს რუსული აგრესია, ჩვენს ცას, ჩვენს ქუჩებს მწარედ ახსოვთ რუსული ავიაგამანადგურებლების გამაყრუებელი ხმა და ჩვენთვის უშურველად გამეტებული ასობით ბომბი.
ამიტომ არ შეგვეძლო, სოლიდარულნი არ ვყოფილიყავით და არ გაგვეჟღერებინა ჩვენი სურვილები – გაუძელი, გაძლიერდი და გაიმარჯვე, უკრაინა!”, – წერს ონელი ინგა მეტრეველი “ფეისბუქზე” და აქციის ფოტოებს აქვეყნებს.
