წარსულში უკრაინის რეაქტიული ძალების ოფიცერი ტვ “ნასტოიაშეე ვრემიას” ეთერში ამბობს, რომ რუსეთი ხარკოვში რეაქტიული დანადგარის “სმერჩის” ჭურვებს იყენებდა, ეს ჭურვები კი ე.წ. კასეტური ბომბებია (ისეთი, რომელიც 2008 წელს რუსეთმა გორის ცენტრში ჩამოაგდო), რომელთა გამოყენება აკრძალულია ჟენევის კონვენციით. მისივე თქმით, რუსეთმა არამარტო კასეტური, ვაკუუმური ჭურვებიც გამოიყენა.
“მე ამას გეუბნებით, როგორც ოფიცერი, რომელიც რეაქტიულ არტილერიაში მსახურობდა, იმ ცხედრების დაზიანებებების მიხედვით ვასკვნი, იმ თანამგზავრული ფოტოების მიხედვით, რომლებიც პირადად ვნახე”, – აცხადებს უკრაინელი არტილერისტი.
შეგახსენებთ, ხარკოვი დილიდან მასირებულად იბომბებოდა რუსული არტილერიის მიერ. ცოტა ხნის წინ ქალაქის ცენტრში უკრაინელებმა რუსული სამხედრო ვერტმფრენი ჩამოაგდეს.