უკრაინის პრემიერმინისტრი დენის შმიგალი ეხმიანება საქართველოს მთავრობის გადაწყვეტილებას, რომელმაც არ მისცა თბილისის აეროპორტში დაჯდომის უფლება თვითმფრინავს, რომელსაც სპეცრეისით უნდა წაეყვანა ქართველი მოხალისეები აეროპორტში. სპეცრეისი 18:00-ზე უნდა შესრულებულიყო.
შეგახსენებთ, რამდენიმე დღის წინ უკრაინის პრეზიდენტმა საერთაშორისო ლეგიონის შექმნა დააანონსა, სადაც სხვადასხვა ქვეყნიდან მოხალისეები იომებდნენ. საქართველოდან ამ ლეგიონში შესვლის სურვილი გამოთქვა ათეულობით ადამიანმა, მიმართა უკრაინის საელჩოს, დარეგისტრირდნენ, უკრაინის მხარემ მათ წასაყვანად სპეცრეისი ჩანიშნა.
“მამაცი ქართველი ძმები უკრაინის დასახმარებლად აეროპორტში ფრენას ელოდებიან. იმედია პრემიერმინისტრი ღარიბაშვილი გამბედაობას გამოიჩენს და ფრენის ნებართვას გასცემს. უკრაინა ამას ელოდება! ევროპა ამას ელოდება!”, – წერს Twitter-ზე უკრაინის პრემიერმინისტრი, დენის შმიგალი.
“თავისუფლებისმოყვარე ქართველო ხალხო, დაეხმარეთ თქვენს პრემიერს სწორი გადაწყვეტილების მიღებაში!”, – წერს დენის შმიგალი.
შმიგელის ტვიტს ოფიციალური ხელისუფლებიდან დავით ზალკალიანი გამოეხმაურა და ეჭვი გამოთქვა, რომ ეს ტვიტი უკრაინის პრემიერმინისტრს არ ეკუთვნის.