ყირიმის პროზექტურებთან რუსული Груз200-ით სავსე მანქანების რიგია

0
392

ჯანკოის, კრასნოპერეკოპსკის, არმიანსკის პროზექტურები რუსეთის მიერ ოკუპირებულ ყირიმის ნახევარკუნძულზე გადავსებულია, Груз200-ით სავსე ავტომობილები მორგებთან რიგში დგებიან და დაცლას საათობით ელოდებიან, მათი ნაწილი კი პირდაპირ სიმფეროპოლისკენ მიემართება.

ინფორმაციას ყირიმიდან მიღებულ სანდო წყაროზე დაყრდნობით შს მინისტრის მრჩეველი ანტონ გერაშენკო აქვეყნებს.

იმის გამო, რომ ქალაქ ბელგოროდში 5.000-დე ე.წ. კონტრაქტნიკმა უარი განაცხადა უკრაინაში საომრად წასვლაზე, მათ შემცვლელად რუსი სამხედრო პირები ყირიმში მცხოვრებ ახალგაზრდებს განიხილავენ, თუმცა დედები კომიტეტებს ქმნიან და არ აპირებენ, თავიანთი შვილები უკრაინაში საომრად გაუშვან – წერს გერაშენკო.

შეგახსენებთ, უკრაინაში საომარი მოქმედებების დაწყებიდან სამი დღის განმავლობაში, უკრაინული, ოფიციალური მონაცემების თანახმად, რუსმა ოკუპანტებმა ცოცხალი ძალის სახით 3.000-დე სამხედრო პირი დაკარგეს, თუმცა, რუსეთი ამ დრომდე ჯიუტად აცხადებს, რომ ამ სამი დღის განმავლობაში უკრაინაში არცერთი რუსი სამხედრო მოსამსახურე არ დაღუპულა.

წინა სტატიარუსეთის დანაკარგი უკრაინასთან ომის სამი დღის შემდეგ
შემდეგი სტატიარუსმა დივერსანტებმა ერთი ოჯახის 3 წევრი მოკლეს, მათ შორის მე-4 კლასელი გოგონა
ტელეკომპანია ოდიშის საინფორმაციო სამსახური