27 თებერვლის ღამეს, მასირებული შეტევების მიუხედავად, რუსმა ოკუპანტებმა ვერ მოახერხეს წინ წაწევა ვერცერთი მიმართულებით.
მთელი ღამის განმავლობაში საჰაერო განგაში იყო კიევში, ხარკოვში, ხერსონში, სუმში, ხოლო მეტნაკლები ინტენსივობით – მარიუპოლსა და ოდესაში. ჩამოთვლილთაგან ყველგან, ხერსონის გარდა, სიტუაციას მტკიცედ აკონტროლებენ უკრაინის შეიარაღებული ძალები. რაც შეეხება ხერსონს, რუსმა ოკუპანტებმა ვერ მისი აღება შეძლეს, თუმცა, ქალაქი ამ დრომდე ალყაშემორტყმულია.
რთული მდგომარეობაა ვასილკოვოში, რომელიც კიევიდან 20 კმ-ში მდებარეობს. ამ ქალაქში შეტაკებები გრძელდება და რუსი სამხედროები ყველაფერს აკეთებენ აეროდრომზე კონტროლის დასამყარებლად.
შეგახსენებთ, რომ უკრაინაში შეჭრის მესამე დღესაც რუსმა ოკუპანტებმა დიდი დანაკარგი განიცადეს:
სამი Су-30, ორი Су-25, ორი Ил-76 – რუსეთის დანაკარგი ომის მესამე დღეს