უკრაინის შს მინისტრის მრჩეველი ანტონ გერაშენკო წერს, რომ ბელორუსის რკინიგზის სისტემის მართვის ელექტრონული სისტემა პარალიზებულოა და ხელით მართვაზეა გადაყვანილი.
ნიომანის სადისპეტჩეროს პროგრამული უზრუნველყოფა დაეკიდა, მწყობრიდანაა გამოსული მინსკის სადისპეტჩეროს ელექტრონული მართვის სისტემა. ქვეყნის მასშტაბით შეჩერებულია შემადგენლობების გადაადგილება, გაჩერებულია ასევე რუსული ჯავშანტექნიკით დატვირთული ეშელონები, რომლებიც უკრაინის საზღვრისკენ მიემართებოდნენ.
პასუხისმგებლობა მომხდარზე კიბერპარტიზანებმა აიღეს. ჰაკერთა ჯგუფი აცხადებს, რომ ამ გზით მათ საოკუპაციო ძალების გადაადგილება შეაფერხეს.