უკრაინის გენერალური შტაბის პრესსამსახური იტყობინება, რომ გაერთიანებული ძალების მიერ 26 თებერვლის მოცემული დროისთვის С-300 საზენიტო-სარაკეტო კომპლექსით ჩამოგდებულია რუსეთის საოკუპაციო ძალების ორი საფრენი აპარატი: ვერტმფრენი და მოიერიშე Су-25.
ამავე განცხადების მიხედვით, უკრაინულმა გამანადგურებელმა Су-27-მა წარმატებული შეტევა განახორციელა რუსეთის საჰაერო ძალების Ил-76-ზე და გაანადგურა იგი.
კიდევ ერთი რუსული Су-25, რომელიც ვინიცის მხარეს მიფრინავდა, უკრაინის კუთვნილმა Су-27-მა ჩამოაგდო.
ამ დროისთვის მძიმე შეტაკებები გრძელდება კიევის ოლქის ქალაქ ვასილკოვთან, სადაც რუსმა ოკუპანტებმა ჰაერიდან დესანტის გადასხმა დააპირეს, თუმცა შეტევა მოიგერიეს უკრაინის შეიარაღებულმა ძალებმა.
ამავე განცხადების თანახმად, შეტაკებები მიმდინარეობს ასევე კიევის ქუჩებში და მტერი ყველგან გააფთრებულ წინააღმდეგობას აწყდება.