რუსმა ჩოგბურთელმა ანდრეი რუბლევმა უკრაინაში რუსული სამხედრო აგრესია დაგმო და მაყურებელთა აპლოდიმენტები დაიმსახურა. 

ეს დუბაიში მოხდა, მას შემდეგ, რაც მსოფლიოს მეშვიდე ჩოგანი ATP-500-ის ფინალში გავიდა. მას შემდეგ, რაც პოლონელი ჰუბერტ ხურკაჩი დაამარცხა, რუსი ჩოგბურთელი ტელეკამერასთან მივიდა და მონიტორზე მარკერით დაწერა: “No war, please”.

ანდრეი რუბლევი მოსკოვში ცხოვრობს. ცოტა ხნის წინ მან საჯაროდ განაცხადა, რომ უმთავრესია მშვიდობა მთელ პლანეტაზე.