უკრაინის სამხრეთით, ლვოვის ოლქში შემავალ ქალაქ ნიკოლაევის საქალაქო ადმინისტრაცია ავრცელებს ცნობას, რომ ჰაერსაწინააღმდეგო თავდაცვის სისტემამ მოიგერია ქალაქზე განხორციელებული საჰაერო იერიშები, ხოლო ოჩაკოვოსთან, სადაც გააფთრებული შეტაკებები იყო და რუსი ოკუპანტები დესანტის გადასხმას ცდილობდნენ, მათ ეს ვერ მოახერხეს.
“ამ დროისთვის უკვე აღარ გვიტევენ, შეტევა მოგერიებულია”, – ამბობს ნიკოლაევის ადმინისტრაციის მეთაური ვიტალი კიმი.
შეგახსენებთ, ამ დროისთვის შეტაკებები კიევის აღმოსავლეთ მისადგომებთან მიმდინარეობს. რუსი ოკუპანტების დივერსიული ნაწილები კიევის ცენტრშიც არიან შეჭრილი. შეტაკებები გრძელდება ზოოპარკის მიმდებარედ და გამარჯვების გამზირზეც.