უკრაინის თავდაცვის მინისტრი, დმიტრო კულება ამბობს, რომ რუსეთი კიევზე საშინელ სარაკეტო თავდასხმას ახორციელებს.
როგორც ის twitter-ზე წერს, ასეთი რამ კიევში ბოლოს მაშინ მოხდა, როდესაც დედაქალაქს ნაცისტური გერმანია დაესხა თავს.
“საშინელი რუსული რაკეტები უტევენ კიევს. მსგავსი რამ ჩვენმა დედაქალაქმა ბოლოს 1941 წელს განიცადა, როდესაც მას თავს ნაცისტური გერმანია დაესხა. უკრაინამ დაამარცხა ის ბოროტება და ამ ბოროტებასაც დაამარცხებს. შეაჩერეთ პუტინი. მოახდინეთ რუსეთის იზოლირება. გაწყვიტეთ ყველა კავშირი. გააგდეთ რუსეთი ყველაფრიდან”, – წერს კულება.
Horrific Russian rocket strikes on Kyiv. Last time our capital experienced anything like this was in 1941 when it was attacked by Nazi Germany. Ukraine defeated that evil and will defeat this one. Stop Putin. Isolate Russia. Severe all ties. Kick Russia out of everywhete.
— Dmytro Kuleba (@DmytroKuleba) February 25, 2022
ცნობისთვის, უკრაინის დედაქალაქზე რუსმა ოკუპანტებმა გამთენიისას სარაკეტო შეტევა განახორციელეს. არსებული ინფორმაციით, კიევში, ტროეშინის რაიონში 6 აფეთქება მოხდა. აფეთქებების ხმა ისმოდა დედაქალაქის პეჩერსკის და გოლოსევსკის რაიონებში, პოზნიაკიში. შს მინისტრის მოადგილის ანტონ გერაშენკოს ცნობით, სავარაუდოდ, გამოყენებული იქნა ბალისტიკური რაკეტები.
გარდა ამისა, რუსებმა სარეკო დარტყმა განახორციელეს უკრაინელ მესაზღვრეებზე ზაპოროჟიეს ოლქში. თავდასხმის შედეგად მესაზღვრეებს შორის არიან დაღუპულები და დაშავებულები.