უკრაინელი სამხედროებს მნიშვნელოვანი ბრძოლები აქვთ დედაქალაქის ჩრდილო-დასავლეთით, რადგან რუსული ძალები, როგორც ჩანს კიევისკენ წინსვლას ჩრდილოეთის მხრიდან ცდილობენ.
სამხედროებმა განაცხადეს, რომ პარასკევს დილით, მდინარეზე გამავალი ხიდი განადგურდა ივანკოვის რაიონში, კიევიდან ჩრდილო-დასავლეთით 60 კილომეტრში. უკრაინელები ამ გზას რუსული ტანკების შესაჩერებლად მიმართავენ.
“ყველაზე მძიმე დღე იქნება დღეს. მტრის გეგმაა სატანკო კოლონებით გარღვევა ივანკოვისა და ჩერნიგოვის მხრიდან კიევამდე. რუსული ტანკები მშვენივრად იწვებიან, როდესაც მათ ჩვენი ATGM (ტანკსაწინააღმდეგო რაკეტები) ხვდებათ”, – განაცხადა შინაგან საქმეთა სამინისტროს მრჩეველმა ანტონ გერაშჩენკომ Telegram-ზე.
კიევში საჰაერო იერიშების სირენების ხმა ისმის, ისინი მთელი ღამის განმავლობაში იყო ჩართული, რადგან რუსები სამოქალაქო და სამხედრო ობიექტებს უტევდნენ.