სუმის ოლქის ქალაქ ახტირკაში რუსეთის სარაკეტო შეტევამ ბავშვის სიცოცხლე იმსხვერპლა – ეს რუსეთ-უკრაინის ომის დაწყებიდან პირველი მსხვერპლია ბავშვებში.
უკრაინული ტელეარხის “Украина 24”-ის ჟურნალისტი შემთხვევის ადგილიდან იტყობინება, რომ რაკეტის ჩამოვარდნის ადგილას კიდევ ერთი ბავშვი მძიმედ დაიჭრა, რომელიც საავადმყოფოშია გადაყვანილი.
რუსეთი ამ დრომდე უარყოფს, რომ მის მიერ გაშვებული რაკეტები საცხოვრებელ კორპუსებსა და ეზოებში ცვივა.