ზუგდიდში უკრაინის მხარდამჭერი აქცია გაიმართა

0
222

ზუგდიდში უკრაინის მხარდამჭერი აქცია გაიმართა, რომელიც მას შემდეგ დაიგეგმა, რაც დღეს დილით ცნობილი გახდა რომ რუსეთმა უკრაინაში ომი დაიწყო. სოციალურ ქსელში დაანონსებულ აქციას პოლიტიკური პარტიების, სამოქალაქო სექტორის წარმომადგენლები და მოქალაქეები შეუერთდნენ. მათ ხელში ეჭირათ პლაკატები წარწერებით: „უკრაინა და საქართველო რუსეთის გარეშე“, „ჩვენ არ გვინდა ომი,“ „ მშვიდობა უკრაინას“. აქციის მონაწილეები მსოფლიო ლიდერებს მოუწოდებენ უფრო მკაცრი პასუხი გასცენ რუსეთის ქმედებებს და არ დაუშვან ის შეცდომები, რაც მათი თქმით 2008 წელს საქართველოსთან მიმართებაში იყო. აქციაზე გამოტანილი ქონდათ უკრაინის დროშები და შესრულდა უკრაინის ჰიმნი.

რუსეთმა უკრაინის წინააღმდეგ ომი დაიწყო და ფართომასშტაბიან ოპერაციას ატარებს. უკრაინაში საომარი მდგომარეობაა გამოცხადებული. მოსკოვის აგრესია დაგმეს დასავლეთში და ახალი სანქციებისთვის ემზადებიან.ახლა მსოფლიო ყურადღების ცენტრში ყველაზე ცხელი წერტილი უკრაინაა, კიევის ქალაქის მთავრობა მოსახლეობას სთხოვს მიწისქვეშა თავშესაფრები მოიძიოს. გაფრთხილება საჰაერო თავდასხმის შესახებ გამოქვეყნდა. კიევში ამ წუთებში სირენების ხმა ისმის.

წინა სტატიააფეთქებულ რუსულ ჯავშანტრანსპორტიორში რამდენიმე ბოთლი არაყი იპოვეს (ვიდეო)
შემდეგი სტატიასოჭიდან მოსკოვამდე ტაქსისტები 1.200 დოლარს ითხოვენ – რუსეთში მიმოსვლა გაძვირდა
ტელეკომპანია ოდიშის საინფორმაციო სამსახური