უკრაინის თავდაცვის სამინისტროს გენშტაბის ინფორმაციით, უკრაინამ რუსული აგრესიის დაწყების დროიდან ამ დრომდე 40-დე სამხედრო მოსამსახურე დაკარგა, დაღუპულია ათი მშვიდობიანი მოქალაქე.
ამის შესახებ უკრაინის პრეზიდენტის ადმინისტრაციის ოფისის ხელმძღვანელის მრჩეველმა ოლექსი არესტოვიჩმა განაცხადა.
ცნობილია ასევე ამ დროისთვის არსებული დანაკარგები რუსული მხრიდან, თუმცა, რუსეთის არმიის გენშტაბი რუსული თვითმფრინავების ჩამოგდების ფაქტს უარყოფს.
ორესტოვიჩის თქმით, განსაკუთრებით მძიმე ბრძოლები მიმდინარეობს ლუგანსკის და დონეცკის ოლქებში. ოლექსი არესტოვიჩმა რთულ მიმართულებებად დაასახელა ხერსონი, ხარკოვი და ჩერნიგოვი.
ამასთან, როგორც უკრაინის პრეზიდენტის ოფისის ხელმძღვანელის მრჩეველმა თქვა, უკრაინის ტერიტორიის სიღრმეში რუსეთის საოკუპაციო ძალების შეჭრის მანძილი ათ კილომეტრს არ აღემატება.