რუს ოლიგარქს რომან აბრამოვიჩს, ფაქტობრივად, უკრძალავენ დიდ ბრიტანეთში ცხოვრებას, შესაძლოა, მას საფეხბურთო კლუბ “ჩელსის” ფლობაც აუკრძალონ და კლუბი ჩამოართვან, – ამის შესახებ Daily Mail იტყობინება, თუმცა, ამ ინფორმაციის დადასტურება დიდი ბრიტანეთის ოფიციალური არხებიდან ჯერჯერობით არ შემოსულა.
შეგახსენებთ, 350-ზე მეტი გავლენიანი რუსი პოლიტიკოსი და ოლიგარქი სანქციებს დაექვემდებარება მას შემდეგ, რაც ევროკავშირის ქვეყნებმა მათ შეზღუდვები დაუწესეს. სანქციების დაწესების კუთხით განსაკუთრებით აქტიურობს დიდი ბრიტანეთი, რომელიც ხისტი განცხადებებითაც გამოირჩევა.