აქ შეგიძლიათ ნახოთ იმ უკრაინული სამხედრო ნაწილებისა და საწყობების ჩამონათვალი, სადაც რუსული აგრესიის შედეგად ამ დროისთვის ხანძარია და მდგომარეობა საგანგაშოდაა მიჩნეული.
ბორისპოლი, ოზერნოი, კულბაკინო, ჩუგუევი, კრამატორსკი, ჩერნობაევკი – იმ ქალაქებისა და დასახლებების ჩამონათვალი, სადაც სამხედრო აეროდრომებზე ჭურვები ჩამოვარდა.
ხმელნიცკის ოლქში საარტილერიო ცეცხლის შედეგად ხანძარია სტაროკონსტანტინოვოს სამხედრო ნაწილში.
დნეპროპეტროვსკის ოლქში, კრასნოპოლიესა და მარგანცში ხანძარია სამხედრო საწყობებში.
ვინიცკის ოლქში, ხანძარია ტულჩინში და სოფელ ბოხანში, სამხედრო საწყობებში.
ლუცკში აფეთქებულია ტელეანძა.
კიევის ოლქში ხანძარია ქალაქ ბროვარის სამხედრო ნაწილში.
მარიუპოლში, საარტილერიო ცეცხლის შედეგად შვიდი საცხოვრებელი სახლი იწვის, ჭურვი დაეცა კრამატორსკის აეროდრომის ტერიტორიაზეც.
ქალაქი ნეჟიგი – მიმდინარეობს სამუშაოები აეროდრომის დაბომბვის დროს ნანგრევებში მოყოლილი 6 ადამიანის ამოსაყვანად.
ივანო-ფრანკოვსკში ჭურვი ჩამოაგდეს აეროდრომის ტერიტორიაზე.
შეგახსენებთ, დღეს, გამთენიისას, რუსეთმა უკრაინის ტერიტორიაზე ფართომასშტაბიანი შეტევა დაიწყო.