რუსული ავიაცია მშვიდობიანი მოსახლეობის საცხოვრებელ ადგილებს ბომბავს. ამის დამადასტურებელი ვიდეომასალა სოციალურ ქსელში ვრცელდება. ვიდეო დღეს, ერთერთ დასახლებულ პუნქტშია გადაღებული და მასზე აშკარად ჩანს, რომ ავიაცია ჭურვებს სახლების თავზე უშვებს.
შეგახსენებთ, რომ უკრაინაში შეჭრილი რუსეთის შეიარაღებული ძალების ნაწილები ხარკოვს უახლოვდებიან, უმძიმესი შეტაკებები მიმდინარეობს ხერსონის მისადგომებთანაც. რუსული შეტევა მოგერიებულია მარიუპოლსა და სჩასტიესთან, სულ ჯამში 7 რუსული სამხედრო თვითმფრინავი და ორი შვეულმფრენი ჩამოაგდეს, 4 ტანკი კი ააფეთქეს. ოკუპანტების მხრიდან ცოცხალი ძალის დანაკარგი ამ დროისთვის 50-დე ჯარისკაცს შეადგენს.
უკრაინამ 40 სამხედრო მოსამსახურე დაკარგა, ათი მშვიდობიანი მოქალაქე დაიღუპა – გენშტაბი